影片
更多
2024-05-25
78 瀏覽
Mansons Lot📍灣仔汕頭街1-3號地舖又一個忙碌既星期過去，我同朋友趁周末前夕，約咗一齊食晚飯。今次我哋又去咗汕頭街搵食，發掘到一間專門提供澳洲風味嘅cafe。佢哋主打all day breakfast，搭配多款pasta供以選擇，無疑係一個輕鬆歇腳嘅好地方。我哋都好鍾意cafe以黑白為主嘅裝修，感覺簡約而不失格調，加上黑膠唱片主題同朝啡夕酒嘅餐飲安排，坐得舒適又寫意。 💰$108Smoked Salmon & Buffalo Cheese Omelette 🐟🧀🍳Omelette係呢度嘅招牌菜式，所以我同朋友都點咗份試試。餡料有蔬菜、芝士同海鮮等共8款配搭供選擇，照顧到vegan同一般食客嘅飲食需要。另外，仲可以加配各式各樣side dish，薯餅、炒蛋、炒蛋白、牛油果、雞胸、軟殼蟹、Parma ham⋯⋯選擇非常豐富，令客人可以自組喜愛嘅配搭，享受另類嘅all day breakfast！不過我哋出晒名胃口細，所以我哋都只係單點咗一份煙三文魚芝士omelette。Omelette份量好大，足足佔咗餐碟一半，蛋色偏黃，蛋皮表面煎至金金黃黃，灑上香料、伴以多士同雜菜沙律，擺盤同
📍灣仔汕頭街1-3號地舖
又一個忙碌既星期過去，我同朋友趁周末前夕，約咗一齊食晚飯。今次我哋又去咗汕頭街搵食，發掘到一間專門提供澳洲風味嘅cafe。佢哋主打all day breakfast，搭配多款pasta供以選擇，無疑係一個輕鬆歇腳嘅好地方。我哋都好鍾意cafe以黑白為主嘅裝修，感覺簡約而不失格調，加上黑膠唱片主題同朝啡夕酒嘅餐飲安排，坐得舒適又寫意。
[價錢 Price]
💰$108
Smoked Salmon & Buffalo Cheese Omelette 🐟🧀🍳
Omelette係呢度嘅招牌菜式，所以我同朋友都點咗份試試。餡料有蔬菜、芝士同海鮮等共8款配搭供選擇，照顧到vegan同一般食客嘅飲食需要。另外，仲可以加配各式各樣side dish，薯餅、炒蛋、炒蛋白、牛油果、雞胸、軟殼蟹、Parma ham⋯⋯選擇非常豐富，令客人可以自組喜愛嘅配搭，享受另類嘅all day breakfast！
不過我哋出晒名胃口細，所以我哋都只係單點咗一份煙三文魚芝士omelette。Omelette份量好大，足足佔咗餐碟一半，蛋色偏黃，蛋皮表面煎至金金黃黃，灑上香料、伴以多士同雜菜沙律，擺盤同賣相都叫人食慾大增。
切開omelette，裏面嘅芝士同煙三文魚好足料，有蛋汁溢出，蛋味濃香，口感非常滑溜。Salad dressing酸酸甜甜，十分開胃；多士軟硬適中，質感鬆軟，包皮帶有少許嚼勁，放上omelette一同食用，滋味滿滿。
[價錢 Price]
💰$106
Penne Carbonara 🍝
主食今次由我選擇，我點咗至愛嘅Carbonara，配以比較少食嘅penne，價錢非常實惠。醬汁creamy濃郁，煙韌嘅penne比意粉更掛汁，加上大量香口嘅煙肉條同蘑菇粒粒，口感豐富有層次，絕對值得試試！
[價錢 Price]
💰$103
Nachos 🌮
以snacks嚟講，呢份nachos份量好足，3-4人分食都必定夠食。餐廳選擇用已調味嘅tortilla chips，再喺上面放上海量sour cream、guacamole、芝士片等，灑上芝士粉，再將面上嘅芝士片烤至微焦，整個小食都散發住非常濃烈嘅芝士味，正！
Nachos伴有酸酸辣辣嘅spicy sauce，加少少就可以中和醬料嘅飽膩感，唔怕辣嘅可以試試！
[價錢 Price]
💰$45
Black Sesame Latte ☕️
熱latte嘅奶同黑芝麻比例相若，所以雖然飲落有好濃好香嘅黑芝麻香氣，但都唔會似芝麻糊咁杰身。灰白奶泡拉出完美拉花，配上紅色咖啡杯，賣相搶眼到要影多幾張。
[價錢 Price]
💰$45
White chocolate 🍫
本以為白朱古力會好甜好膩，但呢杯regular size嘅熱白朱古力甚至比一般熱朱古力嚟得清淡，甜度偏低，反而比較重奶香味，同今晚嘅餐點好夾。
張貼
