辣妹子 (已結業)

熱力十足的辣妹子話說今晚沙田得十度，我卻滿頭大汗久久未能釋懷，皆因來了這間辣妹子。唔係朋友推介都唔會來到這處，偏僻到不能形容，沙田翠麗花園自成一角，200呎丁方的小店竟有人等位，就知有料到。價錢不便宜，原諗住吃辣子雞卻動輒$138﹐第一次來試唔知頭唔知路梗係嫌貴唔敢試，於是點了個二人套餐一試。皇牌椒麻雞，雞滑辣又香，啖啖肉，相當惹味；辣妹粉如坊間酸辣粉，膽粗粗點了中辣，辣到無朋友，要讚是這兒的紅薯粉，即叫即灼火喉岩岩好，煙韌有嚼勁又爽滑，超好食，是我倆吃過最好的薯粉，由於又辣又麻，吃每口都要無比勇氣，汗流浹背下還是一條不剩的KO了。小食配菜是青口爽脆，肚絲煙韌，一樣美味。細問老闆話開業已10個月，但最近食環不準擺街捉得緊令生意大跌，睇黎我地要來多幾次支持吓！p.s. 實在好味，比傷心酸辣粉好好多！