江南瀨粉 (福榮街) (已結業)

今日係深水埗行街。行到好肚餓，但唔想食咁貴。於是去左食粉面。見到好似新開，就入去試下。餐廳空間大，坐得舒服。見到餐廳必食既野。實在太多，唔知叫咩好。叫左碗大大碗鮮製瀨粉。果然好似過橋米線咁大碗。好多材料，見到都好開胃。食材齋睇就知道新鮮。叫左清湯湯底。原汁原味先食到材料既味道。首先試下個瀨粉。瀨粉口感同平時食既唔同。平時個啲好狡猾，夾都夾唔到。呢個易夾。而且比較粗。口感比較飽滿。瀨粉有彈性，索左清湯，味道特別好。應該係自己製既瀨粉。好好味。水餃大粒又新鮮。咬落去好香。好鐘意呢個味道。好新鮮又彈牙。豬潤整得好滑。唔會粉粉既質感。真係好高汁。墨丸重墨魚味。爽口。之後叫左杯豆漿。食咁熱既麵要有杯凍豆漿先得。凍豆漿真係好舒服。之後再叫左個酥炸雞翼。雞翼炸得皮好脆。又好香。點左辣椒醬食真係好開胃。雞肉又啱啱好。呢個雞翼炸得真係好好味。仲要有5隻。先28蚊。抵。下次再黎。