影片
更多
2023-08-04
109 瀏覽
大隻仔今次覓食嘅店舖就係💥 江南 💥大隻仔今次介紹一間超級抵食餐廳，呢個價錢喺中環區真係好平，而且仲要位處IFC國際金融中心。特色飲品30幾蚊杯，仲要第二杯半價，平均只係廿幾蚊一杯，前菜、點心餃子都係40幾蚊起，就連主菜「香芒酥脆魚柳」都唔使$100，而且份量大、最重要，服務好，座位闊落，坐得舒服，「江南」真係約朋友中環區食飯嘅首選。餐廳最近新推出夏日Menu，員工向大隻仔介紹夏日Menu既菜式好啱炎熱嘅夏天食，味道比較清爽、開胃、冰涼、唔會好油膩，大隻仔就揀左幾款夏日菜式：蘋果絲拌蟹肉冷麵、冰鎮柚子漬白玉苦瓜、百香果汁拌香芒酥脆魚柳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 餐前小食 $10 （另加一服務費）餐前小食係話梅汁醃製室溫小青瓜，話梅汁味道香濃，小青瓜吸收晒話梅汁既甜酸味，味道好出色，酸酸地做餐前小食一流。👍👍🔥 茗茶 - 百合仙子 $20/位 （另加一服務費）整棵百合仙子放入茶壺內，用小火爐烘住，長期保持溫度，員工話先焗5分鐘後就可以飲用，百合仙子帶有百
💥 江南 💥
大隻仔今次介紹一間超級抵食餐廳，呢個價錢喺中環區真係好平，而且仲要位處IFC國際金融中心。
特色飲品30幾蚊杯，仲要第二杯半價，平均只係廿幾蚊一杯，前菜、點心餃子都係40幾蚊起，就連主菜「香芒酥脆魚柳」都唔使$100，而且份量大、最重要，服務好，座位闊落，坐得舒服，「江南」真係約朋友中環區食飯嘅首選。
餐廳最近新推出夏日Menu，員工向大隻仔介紹夏日Menu既菜式好啱炎熱嘅夏天食，味道比較清爽、開胃、冰涼、唔會好油膩，大隻仔就揀左幾款夏日菜式：蘋果絲拌蟹肉冷麵、冰鎮柚子漬白玉苦瓜、百香果汁拌香芒酥脆魚柳。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 餐前小食 $10 （另加一服務費）
餐前小食係話梅汁醃製室溫小青瓜，話梅汁味道香濃，小青瓜吸收晒話梅汁既甜酸味，味道好出色，酸酸地做餐前小食一流。👍👍
🔥 茗茶 - 百合仙子 $20/位 （另加一服務費）
整棵百合仙子放入茶壺內，用小火爐烘住，長期保持溫度，員工話先焗5分鐘後就可以飲用，百合仙子帶有百合花香，味道不錯，花味不會太濃，好易入口。
茗茶 - 百合仙子
$20
10 瀏覽
0 讚好
0 留言
🔥 金網豚肉鍋貼 $58 （另加一服務費）
賣相十分精緻，將餃子底部煎得香脆後，再用脆漿製成三角形金網做裝飾。
鍋貼煎得好香脆，餡料用上新鮮豬肉，充滿肉汁咬一啖流晒出嚟，調味亦做得好好，帶微甜唔太鹹，可以突出新鮮豬肉嘅肉香味。
金網豚肉鍋貼
$58
1 瀏覽
0 讚好
0 留言
🔥 江南水晶素菜餃 $48 （另加一服務費）
用菠菜汁製成餃子皮，外皮煙靭，再係餃子皮上掃上金粉，十分講究。
素菜餃內餡料全部都係蔬菜，材料好豐富有紅蘿蔔茸、菠菜茸、筍茸等等，而且調味好，可以食得出新鮮蔬菜既鮮甜味，幾好食。
江南水晶素菜餃
$48
2 瀏覽
0 讚好
0 留言
🔥 江南水晶肴肉 $78 （另加一服務費）
用高湯整成嘅水晶凍夾住一層肴肉，肴肉味道似鹹牛肉，但不會太鹹，而水晶凍味道少少甜，味道不錯，完全冇油膩感，就算冇點鎮江醋都好好食。
江南水晶肴肉
$78
7 瀏覽
0 讚好
0 留言
🔥 蘋果絲拌蟹肉冷麵 $88 （另加一服務費）
功夫菜式，先將花蟹拆肉，再將兩隻蟹鉗去殼，啖啖蟹肉，冷麵夠晒冰涼加入日本胡麻醬拌勻再加上蘋果絲，真係好岩夏天食用。
蘋果絲拌蟹肉冷麵
$88
3 瀏覽
0 讚好
0 留言
🔥 冰鎮柚子漬白玉苦瓜 $68 （另加一服務費）
用上白玉苦瓜，唔會太苦，苦瓜夠爽口浸滿柚子糖水，味道甜甜酸酸苦苦地，加上冰鎮，入口透心涼，夏天食真係好舒服。
🔥 火腿津白 $98 （另加一服務費）
津白浸係濃郁高湯之中，吸收晒高湯既精華，配上金華火腿絲一齊食，真係好美味。
冰鎮柚子漬白玉苦瓜 + 火腿津白
3 瀏覽
0 讚好
0 留言
🔥香芒酥脆魚柳 配 百香果汁 $128 （另加一服務費）
炸魚柳炸得夠香脆，魚柳唔會乾柴，仍然保持嫩滑，吉列魚柳上鋪滿粒粒新鮮芒果肉、士多啤梨果肉乾，再配上百香果汁，味道酸酸甜甜，真係好開胃，而且百香果汁酸酸地可以幫助解油膩，好岩夏天食用。
香芒酥脆魚柳 配 百香果汁
$128
5 瀏覽
0 讚好
0 留言
🔥 粉紅佳人 $58 （另加一服務費）
粉紅佳人其實係紅心番石榴甘露，做法似楊枝甘露，用紅心番石榴代替芒果，先用紅心番石榴打成糊狀，再加入紅心番石榴果粒、西柚肉，西米，雪凍做成甜品，番石榴味道超級香濃，鍾意食番石榴嘅朋友一定好喜歡。
🔥 多瑙河荔枝爆珠梳打 $38 （另加一服務費）
賣相超級討好，打卡一流，有2隻黃色小鴨鴨係藍色嘅多瑙河上暢泳。😂😂
黃色小鴨鴨係用橙汁製成嘅果凍。
藍色多瑙河就係荔枝梳打。
再加上爆珠，飲品除咗賣相一流，味道都好好，值得推薦。
多瑙河荔枝爆珠梳打 + 粉紅佳人
6 瀏覽
0 讚好
0 留言
餐廳而家做緊夏日特飲優惠，第二杯半價，除咗有「多瑙河荔枝爆珠梳打」，仲有「青蘋果QQ椰果茉香綠茶」、「紅柚多肉茉香綠茶」可選擇。
溫馨提示：
茶位 $20 / 4:30pm前 $15
前菜小食 $10
張貼
