金鶴拉麵 (荷李活道) (已結業)

是日同friend黎到中環補影admission相，天氣開始轉熱，不過我地一早傾好要黎呢間食拉麵。睇門面真係唔似拉麵店，入到去燈光比較黯淡，餐檯、餐椅都係黑色為主調。朋友揀咗金鶴雞白湯拉麵，而本人就揀咗一向比較鍾意嘅黑蒜醬油拉麵。雞白湯拉麵上菜嘅時候即刻吸引住我地嘅目光！湯底望落去已經十分濃郁，陣陣雞湯香味散發出黎，試飲咗湯底一啖嘅我當時都有啲後悔冇叫到雞白湯。黑蒜醬油拉麵相對起來就顯得失色，好彩肉量搭夠，兩片雞胸肉滑嫩juicy ，叉燒大大片味道正常。絕對推薦大家試下佢嘅雞白湯拉麵，仲有唔同口感（例如creamy)選擇！