湯火功夫麻辣燙 (已結業)

去銅鑼灣血拼之前 要先醫肚朋友食素 我就係食肉獸 喺銅鑼灣好多選擇我地最後揀咗距離崇光好近 坐落喺謝斐道兆安中心地舖一間新近開業嘅麻辣燙聽侍應阿姨講 湯火功夫本店喺哈爾濱早年已經喺澳洲 日本 韓國等國家設立海外分店 難怪店舖總數目有二千幾間咁多啦如果你趕時間 餐廳預設三個套餐 價錢由$59 至$88招牌麻辣湯底加四餸或五餸嘅葷素組合 仲有一杯凍飲以銅鑼灣區嘅消費指數嚟講 算係相當合理-我地決定自由配 紙上的選項包羅萬有 素食類或肉類 各有二十款配料素菜每款$7 葷食每款$10值得一讚嘅係紙上面列出麻同埋辣程度嘅選擇 (無、小、中、大辣)俾你隨意組合溫馨提示 如果你想挑戰地獄級別 你可隨意添加枱上提供嘅麻椒油同埋辣椒油 不過後果自負😱-三素番茄湯米線（$41）+ 凍奶茶（$16）海帶新鮮得嚟又有嚼勁 個湯底仲附加大量番茄🍅配埋杯凍奶茶 甜味啱啱好 茶同奶嘅比例唔錯-四餸米線（$61）+ 凍檸茶（$16）我要咗小麻小辣嘅四餸米線 加招牌飲品凍檸茶 非常醒胃雞翼入味 麵條彈牙 咁就係幸福滿足嘅一餐