源記餐廳 (已結業)

銅鑼灣食肆林立，各國美食薈萃，茶餐廳嘅傳統美食始终具有一定吸引力，今日和家人逛完崇光和時代廣場，天氣悶熱，在附近霎東街嘅源記茶餐廳食嘢。我點了下午茶餐义燒通粉，义燒半肥瘦幾啱口感，通粉爽口。吃過茶餐，再和家人分享雲吞墨丸麵和牛丸魚蛋河，麵質彈牙爽口，處理得啱啱好，入口啖啖清香，雲吞皮薄鲜蝦饀料充足，墨丸爽滑，出色嘅麵食。牛丸很有牛肉味，肉汁豐富兼彈牙，魚蛋香滑，湯河滑溜可口，難得茶餐廳嘅湯粉麵都有咁好嘅水準。餐飲來個熱奶茶，茶香奶滑，比例適中，好一頓滿足嘅茶餐廳美食。