沐白小農 (已結業)

沐白小農-兵家必爭之地的牧場自然風味荃灣路德圍短短一條街已經有多不勝數既台式飲品店，而最吸引我既就係標榜食材百分百純天然無添加既沐白小農。我深信一杯真正好味既飲品，係唔需要依靠浮誇唔真實既添加劑。🐻大甲芋頭鮮奶 $30芋頭控既朋友仔一定唔可以錯過，店員先用磅秤好芋泥份量，目測有成大半杯，份量十足，再加上明治4.3紅盒純鮮奶。入口甜度適中，每一啖都飲到芋泥同芋頭粒。🐻沐白黑糖波霸鮮奶黑糖波霸基本上每一間台式飲品都有，但沐白小農既黑糖波霸鮮奶，無論甜度、黑糖同鮮奶既比例都好配合，用上2小時慢煮既黑糖珍珠，由於珍珠毎日新鮮熬煮，賣完就冇，所以限量供應，飲既時候要上下搖動，令到珍珠更加Q彈。🐻草莓鮮奶 $35用上智利入口既士多啤梨，店員毫不吝嗇加入攪碎，而唔係好似出面用士多啤梨醬，味道不但天然，連影相呃like都靚過人。