牧羊少年咖啡館 (屯門市廣場1期)

營業中

休息中

一直想去試下，今日終於去左食午餐，可惜沒有想像中咁好。又或者幾年前未開到屯門區時，係九龍區食過初代嘅牧羊少年好味好多，印象中嘅味道係最好嘅！BBQ醬手撕豬肉菠蘿漢堡包配海鹽薯條：感覺特別啲所以叫呢個，我唔知係手撕豬肉質感本應如此，定係做得唔好，肉質食落無彈性，有啲梅梅地，似煲老火湯煲到無晒味又爛爛地嘅豬肉。包夠熱都軟熟，面焗得夠脆，整體配搭味道係OK，如果肉質好啲就好。海鹽薯條一嚟到即刻食左條，即叫即炸好味，不過食落冇味，睇真啲，又摸真啲，係無鹽😅，都幾健康播😆，唔點蕃茄醬係無味。Dirty要加$16，可以轉燕麥奶，啱晒我唔飲奶。唔知係Dirty配燕麥奶呢個組合唔夾？定係佢做得唔好，杯Dirty過左半個鐘都冇變化，咖啡和燕麥奶繼續保持分離狀態。正常Dirty啲咖啡會慢慢沉澱，睇住佢變化係好有趣，不過呢杯冇🥲結論係--食過就算，有乜特別。