山東餃子館 (已結業)

一向鍾意食餃子嘅我，久聞呢間餃子館。星期五，做完義工過後，就同阿媽搭車去呢度食晏。店子不算大，由於在一點前到達，所以人不多不用等位。我們各叫咗一個餃子麵，再加個麻醬雞絲粉皮。我要了京蔥羊肉餃子上海麵，阿媽就要了津白鮮肉餃麵。有五隻餃，配上自家打的上海麵。上海麵粗幼適中，略帶彈性，不會太淋。羊肉餃皮也是較厚的那種，不過幾滑，而摺疊處亦不會太硬。真係有勁多蔥，幾香；不過羊肉一點都唔羶，而且羊肉量不算多，同蔥的份量不太合比例。羊肉有醃過，帶點點咸味。幸好無一隻爆皮，一咬開，好多肉汁湧到匙羹上。湯底無什香味或顏色，似鹽水就是了！試了一隻津白鮮肉餃，津白同肉比例均勻。不過薑味太香，蓋過了肉的鮮味。味道一般。阿媽更說味道帶酸！麻醬雞絲粉皮賣相唔掂，有點核突，色水唔靚。已預先撈好，麻醬好多，將每片粉皮同每條雞絲都能沾到麻醬。雞絲都幾多。仲有青瓜絲，不過已被麻醬浸淋，絕不爽脆。粉皮薄薄、滑滑的。麻醬味道一般，不是太香的麻味，幸好質地滑，入口不覺鞋口。整體味道只屬一般，沒想像中那麼好。但我仍想一試個麻醬拌麵。