Kim's Spoon (MegaBox) (已結業)

第一次食，估唔到質素如此的差，基本上韓國嘢幾唔好食都唔會難食，但是呢一間係可一不可再，我們叫咗7樣嘢食，粉絲炒年糕，嗰幾塊年糕叫做炒，大家睇相片就知道有幾伏，對比餐牌嘅相片我以為錯咗第二個餐，牛仔骨湯好似鹽+水完全冇味，將2舊牛仔剪到一粒粒香口膠咁大粒肉仔，加幾條粉絲，再到鐵板黑毛豬D豬肉鞋到，鐵板上枱係凍架，烤牛肉井又係鞋又係同圖片不符，釜山海鮮煎餅，成個餅散晒入切唔開因為勁多成條蔥無切開一齊煎，炸雞沙律稍為好少少，另外炸雞都唔好食，完。