牛More石燒專門店 (已結業)

這是第3次來這間店，但我相信是最後一次了。徹徹底底的失望。我們點了限時優惠牛之道。上菜後一下刀已經發現全塊牛都是筋。好吧，試試睇下可唔可以食到，如無必要都唔想麻煩店員。但咬左幾啖真係咬唔爛。啲筋係非一般硬，跟本無可能食到。無可奈何下向店員反映，店員竟然叫我地唔好燒甘耐，仲話可以叫廚房幫我地切細件啲。難道切細件啲就可以咬得爛嗎？都是筋你看不見嗎？仲話自己係牛肉專門店。好了，戲肉來了。到我們決定放棄，怪只怪自己唔好彩之際。之前那個店員再之假惺惺的走過來說唔好意思。問我地要唔要一塊仔牛柳補數。要補數點解唔早啲講呀。有心既就攞塊牛筋入廚房既時候換一塊靚少少既比客人啦。仲話咩個時唔知到甘多筋。成塊牛筋攞入廚房切都唔知多筋你點做野架。信你會介紹靚牛比客食就死得啦。講真換一塊牛比客要幾多錢呢。成舊筋都可以攞出黎比客食我就真係唔敢再幫襯了。大家如果想去試下的話記住揀一日好好運氣先好去呀。因為品質無保證，唯有靠自己運氣啦。祝各位好運！