七喜粥麵小廚 (已結業)

是我太過心軟再比次機會七喜粥麵小廚，之前嚟過幾次決定封佢為中伏店之列.. 早幾日無啦啦話不如俾多次機會佢，於是今日就再去中伏啦。我哋一行三人分別叫咗豉椒牛河，肉絲炒麵，辣水餃撈麵，由於朋友唔食得辣，所以問侍應生可唔可以走辣，侍應生建議辣醬分上。跟住先上三碗例湯，非常驚喜，佢係一碗雲吞麵湯加白菜仔，感覺有啲搞笑。首先出場嘅係辣水餃撈麵，辣醬係冇分上既，侍應生發現嘅時候有提議幫我地換左佢，不過朋友諗住算啦唔好嘥，於是就照食，不過食咗一啖佢就食唔到啦，唯有同另外一個朋友交換食。 味道一般，食得辣嘅都唔係好頂得順。跟住到肉絲炒麵，買相係OK嘅，不過可惜係冇味，於是我就落啲醋啦，最特別嘅係啲醋溝水溝到冇醋味，其實點解要咁樣做呢🤷🏻‍♀️🤷🏻‍♀️最後出場係豉椒牛河， 未到算係最正常嘅一碟， 市招味好香，牛肉質地亦都好OK，唔會係梳打牛。 之前食過及第粥，其實個粥底都幾唔錯。不過算啦我哋已經同意左唔會再有下次🙅🏻‍♀️🙅🏻‍♂️其實一個疑似老闆嘅叔叔，同埋其他侍應生都好有禮貌，不過，有個四眼叔叔實在太有性格啦，因為頭殼頂有三部冷氣機猛吹，想轉去另一張枱，當時個場係得六成客㗎咋，佢竟然話一睇就知你哋財多身子