凪豚骨拉麵 (已搬遷) 新店位置

自從佐敦恆豐中心地庫嘅拉麵店結業之後, 一有時間就會發掘唔同拉麵小店, 希望可以搵到另一間取代其心目中嘅地位。今次就趁長假期嚟到大坑揾食! 先講環境, 兩個字, 狹窄...疫情下唔好期望會有一點五米距離, 但餐廳會安排客人望住唔同方向嘅牆用膳。由於拉麵店跟豚王屬同一始祖, 所以連拉麵湯底選擇都大致一樣。點選了豚骨湯, 麵條屬細麵, 即使叫普通硬度亦偏軟身, 唔太啱口味。湯底跟豚王味道相約, 質感夠滑。 整體來說, 是次惠顧沒有太大驚喜, 試過一次就好了, 未必再專程過海嚟食。