彗星餐廳

營業中

休息中

樂園今日有交響樂演出再適逢週末，人山人海，為咗避開人潮，去咗較靜嘅彗星餐廳。可能露天同食物選擇唔多嘅關係，真係比較多位。今日餐牌有日式同台式，雖然款式都吸引，但充分感受到樂園物價嘅上漲。因為想飽肚少少，所以同朋友叫咗兩個飯餐。兩個飯都係珍珠米，都算係粒粒分明，不過再乾身啲會好食啲。蒲燒鰻魚滑蛋珍珠飯 鰻魚好大條又冧身，鰻魚汁都好好食，係醬汁同滑蛋份量都偏少，唔夠送飯。而且滑蛋再滑啲會更好。跟餐嘅味噌湯嘅味道普普通通，豆腐粒比想像更多。炸豬排肉躁珍珠飯，肉躁唔太咸，豬排肉質唔鞋口幾驚喜。不過豬排外皮唔脆，唔係好食得出係炸，感覺只係普通豬排。食物味道都ok，樂園入面食飯要呢個價錢都係意料中事，不過性價比並唔高。