泰肥牛海鮮火鍋菜館 (已結業)

從來對任點任食沒有太大期望，更預咗持團購劵去幫襯得不到厚待，猜不到這裡使我刮目相看。服務殷勤會教埋我哋十多款醬汁適合點啲咩餸，又提我哋牛胸油唔好烚太耐，否則會韌，而某幾款牛拖一拖就食得，唔洗太熟。上菜快可能我哋晚上十點幾先到，已過了繁忙時間，基本上叫完唔洗幾分鐘就上枱。沒有將貨就價每碟的份量也不少，唔孤寒而且無漏單。食物質素唔錯雖然款式不多，但係樣樣都幾好食。牛呢度主打係牛，我哋每款都食均，覺得花鵰肥牛最好食，花鵰掩蓋了牛的蘇味，其次係泰式肥牛，幾特別。不知道牛胸油是牛的那個部份呢？爽爽地，幾得意。丸有貴價的包心丸，蟹粉和芝心都好味，磨菇忌廉怪怪的。不要點墨魚丸，好粉。餃西洋菜餃和豆苗餃都OK菜椰菜苗幾甜，金菇無乜特別。其他炸響鈴細細條，唔錯。不要點生根，浸極都唔索水。