亞里斯餐廳 (已結業)

約了朋友在附近玩，之後一起食午飯，朋友說這裡價錢平，食物都算幾好，所以便決定來試試。我們各有各叫了一個午餐，我自已就叫了咖喱魚柳、套餐包括餐包、餐湯和熱飲。餐包- 幾鬆軟、還叮熱了上，都算這樣了。餐湯- 要了忌廉湯，忌廉味很淡，但這樣平的餐湯，也不要起求什麼吧。咖喱魚柳- 咖喱汁、椰汁味唔會好濃，帶有微微的辣味、可惜唔夠香、薯仔又只得兩舊仔、都算幾少；魚柳炸過、粉漿都幾厚、魚肉沒有什麼味道，好彩炸得幾脆、加上咖喱汁，都算唔差。熱飲- 要了熱檸茶，不過不失啦。免收加一，價錢又唔貴，味道也不是太差，還想怎樣、算吧啦！