大門食堂 (德福廣場) (已結業)

必須相信還有更差既餐廳先可以平衡心理，又要等勁耐位，又要難食，真係唔識形容。入面有5張吉枱，依然要等4張枱，等左半個鐘終於有人埋單，但原來仲未有得入，oops，再有人埋單，職員先一副「唉，俾你啦」既面口，俾我地入座。個親子飯丼啲雞肉腍啤啤，啲濕左既炸皮好突兀，果種腍又軔既口感真係一試難忘，啲飯水浸咁，完全係小湯既泡飯，吉列豬扒飯係厚粉炸薄切豬件，杰身又甜既咖哩配又乾又硬既飯，當下我就明白點解要水浸親子丼。最後，順便一提，等到位坐低，要等半個鐘先有人同你落單，埋單都要等半個鐘，餐廳冇暖水供應，一大壺冰水係枱面請自便，真係冰係入面既冰水。