影片
更多
2012-07-02
64 瀏覽
這是小弟第一次寫食評，原因只得一個：差話說小弟一月份果陣 join 左呢個集團嘅會籍，原因係覺得佢旗下嘅牛涮鍋確實又抵食又好食。自始之後，我差唔多一個禮拜終會幫襯一次，好似上左癮咁，又經常會約埋 D friend 響度開餐。記得五月份果次，三個人食 lunch，試左個上級和牛餐，果個餐真係正到不得了，碟碟和牛都係雪花紋，仲要係好均云果隻，入口即溶。我同 D friend 都好 impressive, 覺得每人二百幾都唔貴，因為D 牛實有在係靚，仲要係碟碟都咁靚，碟碟質素都咁高。唔係我吹牛，有相為証。果次食完之後，一直都好掛住果餐，希望再去食多次。點知上個月東亞卡做 promotion，晚市二人上級和牛餐做四百幾兩位，再加上個 friend 就快生日，於是乎訂左尋晚兩位。以為可以再次跟靚和牛相遇，誰不知呢個只係惡夢嘅開始。我地坐左三分鐘到，侍應就上在碟和牛上黎，不過個賣相就唔多好嘞，肥膏偏多。唔係我挑剔，因為同上一次 lunch 嘅上級牛比較，實在係有一段明顯嘅差距。 不過未擺落口就判佢輸，又好似講唔通。好啦，即管試下。D 牛好快淥熟，不過擺落口之後，我就發覺 D 牛嘅肉質差過上次，最起
這是小弟第一次寫食評，原因只得一個：差
話說小弟一月份果陣 join 左呢個集團嘅會籍，原因係覺得佢旗下嘅牛涮鍋確實又抵食又好食。自始之後，我差唔多一個禮拜終會幫襯一次，好似上左癮咁，又經常會約埋 D friend 響度開餐。
記得五月份果次，三個人食 lunch，試左個上級和牛餐，果個餐真係正到不得了，碟碟和牛都係雪花紋，仲要係好均云果隻，入口即溶。
我同 D friend 都好 impressive, 覺得每人二百幾都唔貴，因為D 牛實有在係靚，仲要係碟碟都咁靚，碟碟質素都咁高。唔係我吹牛，有相為証。果次食完之後，一直都好掛住果餐，希望再去食多次。點知上個月東亞卡做 promotion，晚市二人上級和牛餐做四百幾兩位，再加上個 friend 就快生日，於是乎訂左尋晚兩位。
以為可以再次跟靚和牛相遇，誰不知呢個只係惡夢嘅開始。我地坐左三分鐘到，侍應就上在碟和牛上黎，不過個賣相就唔多好嘞，肥膏偏多。唔係我挑剔，因為同上一次 lunch 嘅上級牛比較，實在係有一段明顯嘅差距。
不過未擺落口就判佢輸，又好似講唔通。好啦，即管試下。D 牛好快淥熟，不過擺落口之後，我就發覺 D 牛嘅肉質差過上次，最起碼冇入口即溶嘅感覺，只係肉嘅纖維尚算 OK。我就問個 friend 佢嘅意見，佢話可能平時都係食慣呢度嘅六十分鐘 lunch，覺得牛肉嘅質素比起六十分鐘，甚至乎九十分鐘嘅普通進口牛都要好。即然今晚嘅主角都滿意，我就冇再理佢 D 牛嘅賣相，只有係咁一碟一碟 KO 佢。點知食到咁上下，發覺開始唔多對路。我同個 friend 都覺得佢上嘅果D牛愈來愈肥，仲要肥膏嘅比例接近一片牛嘅三分二。我地覺得好丫May成，於是乎即刻叫侍應攞過一碟瘦D嘅俾我地。過左一陣，侍應攞過另一碟出黎，不過肉同膏嘅比例依然係五十五十。今次我真係火都黎埋，即摷返上一次上級和牛果張相出黎，叫個經理埋黎，問佢雖然有可能係D牛係取自唔同部位，同樣都係上級和牛，但係都冇理由兩次嘅和牛響質素上可以有咁大嘅落差嫁。個經理話幫我地入廚房，叫師傅刨過碟瘦D嘅俾我地。好嘞，過左一陣後，佢就拉埋個廚房師傅過黎，同我地講過D牛有兩個部位，一個係胸一個係膝，佢話其中一個係肥D，佢問我餐廳係得呢兩款，佢仲要講上次D牛咁靚，係因為平時攞黎做上級牛嘅貨用晒，所以先至會俾錯D靚牛俾我地喎。大佬呀，我點知咁多姐，我又唔係刨丁，點知你地會咁分喎。咁我同個 friend商量後，決定要D瘦D嘅牛。誰不知，個經理上過嘅新牛，一淥之下，發現牛嘅質素再次降級。
今次D牛依然係肥，不過今次D牛係差到咬都咬唔開，連D肥膏都硬到好似玻璃膠咁，我個friend話就算係淥到一變色就夾上黎食，都係趙唔開嘅。佢話自己對食真係冇咩要求，但佢都食得出今次新黎嘅牛係好次等，簡直係「啦之」，即係國語嘅垃圾。佢話個經理放低碟牛之後就冇再過黎我地張枱，連問下碟牛O唔OK呀呢D門面嘢都冇。個friend話都唔知個經理係唔係鬥氣，特登俾D下欄嘢俾我地。最後D侍應仲催我地埋單添，大佬呀，仲有十五分鐘先至夠鐘，洗唔洗趕人走呀。試過今次，我對呢間嘢徹底改觀。今次佢好明顯係將貨就價。大拿拿一個飲食集團，點都有買手呀嘛。唔通個買手係盲目入貨，連供應商俾次貨都check唔到嘅咩？再加上，次次上碟嘅牛肉質素都大上大落，咁證明左個供應商好有問題姐。如果連QC都做唔好，不如換左個供應商啦。做咩要將呢D無理嘅嘢轉介俾D客姐。講真，每人二百五，我地仲有好多選擇，實在唔需要食呢間嘢。如果二百五都做唔到，覺得冇利可圖，咁不如唔好做信用卡推廣丫，做咩要用埋D次貨黎呃D客姐。大佬呀，我係欣賞你D食物，先至入會，個個星期幫襯。你依家咁對D客，真係傷透人地個心。
張貼
