影片
更多
2017-02-14
276 瀏覽
約了朋友在上水用餐，來到茜廊，先前食過天水圍同樂富分店，覺得都幾好味，價錢又不貴，最好係沒有限制用餐時間，朋友聚餐都適合。餐牌選擇多，有晚餐set，散點加28蚊亦可轉餐，仲有優惠價加小食，真係包羅萬有。隨意點了幾款小食同主菜，百幾蚊有頭盤，主菜，小食等都幾抵食。先送上餐湯，是晚係粟米忌廉湯同羅宋湯，兩款都試試，朋友點的粟米湯很傑身，味道還好。自己點的羅宋湯有點過酸，茄膏重手左，但都好重蔬菜味，ok啦。餐包有兩款，一甜一咸，甜的是提子包，咸的是蒜容多士，兩者都烘過暖呼呼，幾正。小食要了黑松露薯條，薯條香脆，醬料係黑松露醬加沙律醬，味道正正常常。另一款要左焗田螺薯容，賣相雖然不佳，但好好味，田螺肥美，加了芝士同酸忌廉去焗，美味又不膩，正。仲有三文魚沙律，菜新鮮爽脆，配上蜜糖芥末醬，食咁多野要返一個沙律菜中和下，自我感覺良好。主菜點了一份pizza，蕃茄芝士，最簡單的款式但夾埋一齊就好好味。仲叫左牛柳併帶子，牛柳兩張塊抵食喎，肉質嫩滑又有牛味，五成熟剛剛好，帶子用芝士焗，幾香口，另外仲有一大堆薯菜，滿滿一盤，椰菜，三色椒，翠玉瓜等大雜燴。仲叫左魚扁意粉，魚煎得香口，已去骨方便食，扁意粉有
餐牌選擇多，有晚餐set，散點加28蚊亦可轉餐，仲有優惠價加小食，真係包羅萬有。隨意點了幾款小食同主菜，百幾蚊有頭盤，主菜，小食等都幾抵食。
先送上餐湯，是晚係粟米忌廉湯同羅宋湯，兩款都試試，朋友點的粟米湯很傑身，味道還好。自己點的羅宋湯有點過酸，茄膏重手左，但都好重蔬菜味，ok啦。
餐包有兩款，一甜一咸，甜的是提子包，咸的是蒜容多士，兩者都烘過暖呼呼，幾正。
小食要了黑松露薯條，薯條香脆，醬料係黑松露醬加沙律醬，味道正正常常。
另一款要左焗田螺薯容，賣相雖然不佳，但好好味，田螺肥美，加了芝士同酸忌廉去焗，美味又不膩，正。
仲有三文魚沙律，菜新鮮爽脆，配上蜜糖芥末醬，食咁多野要返一個沙律菜中和下，自我感覺良好。
主菜點了一份pizza，蕃茄芝士，最簡單的款式但夾埋一齊就好好味。
仲叫左牛柳併帶子，牛柳兩張塊抵食喎，肉質嫩滑又有牛味，五成熟剛剛好，帶子用芝士焗，幾香口，另外仲有一大堆薯菜，滿滿一盤，椰菜，三色椒，翠玉瓜等大雜燴。
仲叫左魚扁意粉，魚煎得香口，已去骨方便食，扁意粉有不少海鮮同炒，蒜香帶鮮味，幾好味。
最後餐飲點了凍檸茶同凍咖啡，不過不失。基本上係茶餐廳嘅進化版，食物是有水準的，價錢亦抵吃，區內少有的企理食店。
張貼
