大丼家 (已結業)

今日tea試下新野原本都冇乜胃口諗住叫個吉列豬扒烏冬 心諗應該係最唔伏 冇得死架啦但我就試左人生第一次食吉列豬係浸左落個湯度我嗌左杯凍華田，我相信呢一個係成個套餐入邊最正常嘅一個單品。同行友人叫左個 輕盈黑咖哩雞扒飯，諗住日式餐廳嘅咖哩飯應該都ok，點知我地都錯曬！個黑咖哩冇咖哩味，個汁只係得洋蔥做配料，個雞扒淡而無味，只係得個油香味。服務上都帶給我地一個"歡樂"嘅下午茶時光，牆上有兩個侍應，只有一個人可以處理事項，另一個只係到打醬油。而我哋兩杯華田，都要三番四請，等左30分鐘先可以享用。