板長壽司 (荃灣千色匯I期) (已結業)

今日做野做到好晏，同同事諗住求其快脆食個晚餐。 行過板長，諗住都好耐冇食過， 就決定食佢！ 點知入到去，一個人都無，我兩個包場，當時係夜晚八點幾，心知不妙。 真係好耐冇食過板長，感覺選擇少咗好多。order嘅野好快到，因爲全場得我地一枱。個花之戀，筷子一掂就全部散曬，無從入口。芒果軟殼蟹壽司好唔新鮮 😫除左三文魚腩壽司係ok， 其他都唔想encore。 當時佢地已經進入收舖狀態，係濃烈的清潔液+漂白水環境，食清淡的壽司好有違和感，我地決定快速逃離現場。於是，我哋由坐低到離開只係留左二十幾分鐘， 完全符合"求其快脆"的初衷。😆