興樂菜館

營業中

休息中

黎到長洲除左必試芒果糯米糍，都離唔開要食下海鮮，沿海旁一列嘅海鮮餐廳，間間都拉客，話幾平幾抵真係好難比較，見OpenRice 呢間算少負評就即管試下，$268任揀四菜，揀晒海鮮都可以，我地揀左白灼蝦，豉椒炒蟶子，蒸扇貝，蒜蓉白菜。個蟶子濕濕碎碎，無鼓椒香味，唔覺係食緊蟶子。四隻扇貝每隻係好似個五毫子咁大，都無蒜蓉香味。不過二百幾蚊，一分錢一分貨，當食過普通嘅晚飯而唔係心目中嘅海鮮餐都可以嘅。似乎附近幾間都係差唔多。