吉吉點 (已結業)

星期日喺附近想食中式點心，搵到呢間有好多lamlam脷就嚟試下。點幾鐘嚟到有一埋人喺門口，等大慨7張枱。等咗20分鐘左右有位，坐底叫咗酒樓好少有得飲嘅菊花茶，唔錯。我哋叫咗：蝦餃，夠大粒，味道ok，同普通酒樓差唔多。薑蔥牛柏葉，牛柏葉夠淋，好夠味。招牌雞粒飯，太甜太油，一般。炸蜜瓜脆脆，好油，唔鬆化又硬，熱食仲可以，凍咗唔駛食。流沙包，正常味道但冇流沙。灌湯餃，唔好味，湯唔好飲，餃太結實。總括嚟講試一次ok, 價錢正常，冇太貴亦都唔算好平。