老點點心缽仔飯 (已結業)

成日去茶樓食點心有點兒悶，於是同媽媽來試試這一類主打新式精緻點心既小店，雖然店舖唔大，不過座位都係梳化椅，所以坐得都幾舒服，室內牆上掛有特別文字既掛畫，好特別。和茶樓一樣，都是先在點心紙上點菜，然後廚房便即叫即做，所有點心上菜的時候都是新鮮熱辣辣的。鮮准山燉蓮子百合豬展湯$42湯底好清徹，不是味精湯，入口清甜，好足料，准山煮到粉粉地好易入口，好滋補，媽媽好鐘意。珍寶鮮蝦腸$24腸粉皮好薄，口感嫩滑，蝦好大隻，鮮甜爽脆彈牙。黑松露帶子餃$18餃皮煙韌，一咬開陣陣松露香氣，裡面好juicy，啖啖帶子肉和西芹粒， 絕對係令人回味。杞子滑雞砵仔飯$24份量都算多，飯粒粒分明，雞肉又嫩又滑，雞汁溶入在飯粒度，唔駛落豉油都已經好香好夠味。高湯浸唐生菜$19生菜鮮嫩爽甜，湯底鹹淡適中。脆皮麥心小煎堆$22以小湯匙呈上，賣外精緻可愛，外層沾有芝麻煩，炸到鬆脆，外層煙煙韌韌有嚼口，裡面包著一粒麥提沙和抹茶溶，顛覆了傳統煎堆既味道，口感味道創新特別。