Cambo (已結業)

兩公婆貪個商場有泊車優惠，走入去想吃個簡單晚餐才回家，記得上兩個月前試過這家都ok就不作他想再去，怎知中伏了！- 上次幫襯時有單頭套餐的，約$50至$70左右，怎知今次已改了，套餐只有二人餐和四人餐兩款，二人餐都要$208。心裡已打了個突，既來之則安之，最後我叫了個海南鷄飯而老婆大人就叫了個豬頸肉濕炒河。- 先講個鷄飯，鷄肉偏咸，油飯更咸。份量小唔緊要，但所用米的質素就不感恭維！比阿信屋賣的越南米還差得多！同場也有一枱都是投訴碗白飯太硬。- 老婆碟炒河我試了一點，都是得個咸味，似普通炒河不像一般泰式，而最搞笑是食完埋單開車走時，老婆大人才猛然說了一句"咦！我唔覺食過豬頸肉嘅！淨係記得有芥蘭同旦！" 哈哈！都叫妳食飯唔好掛住玩電話啦！" 我心裡面講而已。我相信有兩個可能：一是真的忘記放；二是有放但太碎，食咗都唔覺。但單已埋唯一能做就是以後唔嚟和寫這段飯後感。失望！但亦深深感受到現時食肆經營之困難！