中村藤吉香港店 (已結業)

估唔到唔使排隊都可以食到中村藤吉嘅抹茶產品！今次喺便利店度，見到中村藤吉嘅綠茶雪糕，當然唔會放過啦。雖然係杯裝，size較細小，但係綠茶控係絕對唔會介意！抹茶雪糕味道相當濃郁，入口已經係陣陣嘅綠茶香，甜度適中，仲做到有回甘嘅效果。同中村藤吉一貫嘅綠茶產品一樣，綠茶同奶嘅比例會係茶味較重，奶味較輕，係相當之適合鍾意綠茶味偏重嘅朋友。雪糕嘅質感比較厚重，係我比較鍾意嘅口感，即使細細杯都已經令人好滿足，夏天食一杯簡直係透心涼啊！