影片
更多
2015-05-22
5606 瀏覽
520大風大雨大日子，就梗係要食餐好，朋友選擇去妹記，原先諗住訂19:30枱，但係太遲無得訂，我和另一友人又剛可收早，我們約18:30先攞枱，諗住飲住等。我準時18:30到，諗住叫張四人枱飲住等朋友，個知客話要過半數人先放行，哦，咁我咪等吓囉，又差不多18:50，知客再溫馨提示，19:00後要齊晒人先可以入閘，我即至電友人叫佢拿拿聲跑過來，友人亦不負可託地於18:58跑到門口，知客見我們呢張四人枱咁有誠意地過咗指定人閘人數，佢話因為差不多19:00，可以幫我地問吓可否放我地入去食餐好，結果我終於可以入閘了。入到場，又未爆吖，仲好多吉枱，都唔知點解門口要咁多人係到等。朋友一身汗，拿拿臨叫雙啤酒，叫咗炸豆腐，同墨魚咀，侍應姐姐跟住就走咗去落飛順便攞酒過來。神奇的妹記又一次給我驚喜，佢地用光速過抵咗啤酒，仲有豆腐同墨魚咀。侍應姐姐來回唔駛五分鐘，佩服。炸豆腐呢，皮硬，係非常硬，內面只微溫。墨魚咀，普普通通咁。問題又再一次出現係妹記身上，佢地廚房係用光波爐吖，定光速去整碟小菜出來？話晒自封為大排檔，鑊氣全無可言，唔通係老尖食中餐等同𠱓遊客，大排檔的確唔係咁㗎。朋友到齊，再叫餸啦炒通菜，呢個肯定
我準時18:30到，諗住叫張四人枱飲住等朋友，個知客話要過半數人先放行，哦，咁我咪等吓囉，又差不多18:50，知客再溫馨提示，19:00後要齊晒人先可以入閘，我即至電友人叫佢拿拿聲跑過來，友人亦不負可託地於18:58跑到門口，知客見我們呢張四人枱咁有誠意地過咗指定人閘人數，佢話因為差不多19:00，可以幫我地問吓可否放我地入去食餐好，結果我終於可以入閘了。
入到場，又未爆吖，仲好多吉枱，都唔知點解門口要咁多人係到等。
朋友一身汗，拿拿臨叫雙啤酒，叫咗炸豆腐，同墨魚咀，侍應姐姐跟住就走咗去落飛順便攞酒過來。
神奇的妹記又一次給我驚喜，佢地用光速過抵咗啤酒，仲有豆腐同墨魚咀。侍應姐姐來回唔駛五分鐘，佩服。
炸豆腐呢，皮硬，係非常硬，內面只微溫。
墨魚咀，普普通通咁。
問題又再一次出現係妹記身上，佢地廚房係用光波爐吖，定光速去整碟小菜出來？話晒自封為大排檔，鑊氣全無可言，唔通係老尖食中餐等同𠱓遊客，大排檔的確唔係咁㗎。
朋友到齊，再叫餸啦
炒通菜，呢個肯定即做，味道可以
全豬手，我們錯了，又硬，又唔暖
魚腸，只可講句唔腥
蠔煲，呢個應該都係即做
油炸酒，又係光速上枱，又係硬，又係唔暖
旬殼魚，絶對即做，呢個可以。
埋單900
我地走時仲有幾張吉枱，但門口仲係有好多人等近，究竟係廚房唔夠人吖，想控制好出品先人流管制？但真心話一句「出品差」！
卓頭係好，個搞搞個廚房先啦，搞衰晒「大排檔」個朵。
張貼
