Seafood Stand (已結業)

平時成日都係鑽石山食飯，有時會去吓新蒲崗，今次就決定去一轉樂富，試吓新嘢先！頭盤：羅宋湯，清清地，又唔算太酸，好快清哂。頭盤2：芝士焗西蘭花，小朋友唔鐘意食菜，但加埋芝士焗。佢地就會搶住食，不過就淡味咗少少。加配食品：豬仔脾 & 台灣腸，其實佢有好幾款加配食物，我地揀咗兩款叫，台灣腸同平時食嗰啲差唔多，豬仔脾我地叫咗一隻後，即時叫多一隻，好好味。主菜：鮮茄焗豬扒飯，有小朋友，一定要叫飯，酸酸地好開胃，食完只想食更多嘅嘢食。主菜2：美國安格斯肉眼扒，可以配意粉/飯，本身就配少量薯菜，肉眼唔算多筋位，小朋友都食到。餐飲：凍蜜桃茶 & 椰林飄香，都係套餐加配，椰林飄香好好飲，好香椰味。