Playa de Papagayo (已結業)

今日同女朋友食飯，去左一間西班牙餐廳。記得早年同女朋友一齊去西班牙旅行，超鐘意去海邊沖浪曬太陽，勁有feel。夜晚行入Papagayo，回憶番哂黎。西班牙蛋餅。女朋友至愛既蛋餅，蛋味濃香夾上香甜醬汁，中間加左薯片和辣肉腸，好豐富好滋味。蛋餅半熟入口濕潤超欣賞。四式芝士pizza。芝士迷既女朋友叫左四重芝士，入口芝士味道咸香豐富，批底勁薄好香脆，味道唔算太膩，愈食愈滋味。西班牙燒乳豬。乳豬香脆好惹味，肉質爽嫩配芥末味道豐富，必食！9:00前happy hour價錢既飲品，我地每人叫左一杯。