2+2 Café (已結業)

呢幾排真係好crazy ， 每晚都好似係咁食係咁食 ， 今晚同朋友一齊試下呢間酒店食自助晚餐， 其實呢間酒店我起碼冇試十年， 咁又介紹下佢啦，其實呢度都有好多嘢食， 今晚呢間酒店做緊沖繩之夜 。因應佢今次主题，佢啲沖繩雪鹽燒蝦非常好味。 鹹鹹哋同帶有蝦嘅鮮味。 同埋佢嗰啲燒多春魚同秋刀魚都好快畀人掃曬。 所以我覺得係燒嘢食嗰方面做得非常好。佢有其他食物例如龍蝦、魚生飯、壽司 、生果、同各式各樣嘅中西式食物佢都有，而我 最鍾意食就係佢嗰啲燒牛， 因為佢嗰啲全部係日本和牛。 日本和牛個 quality真係完全唔同其他酒店嗰啲牛。 肉質嫩滑帶有鮮牛味。廚師亦都好努力係咁燒牛畀我哋食 ，所以呢間酒店今次嘅主题自助餐我誠意推薦。