影片
更多
2014-08-04
1029 瀏覽
首先要解釋一下個標題。暖，並唔係指食物和暖，而係指便當俾我個種溫暖窩心既感覺。餐廳位於Mikiki，的確有啲唔方便。相信如果佢開係尖沙咀區，人流一定多好多。十二點三去到，只有一台客。餐廳感覺幾young，牆壁嘅插圖色彩繽紛，侍應亦都好年輕。menu好簡單，三款便當，另外有六七款單品。我地不約而同咁叫咗桃桃町，但就試三款唔同嘅Oki繽(即係炸包)。一個便當有五款食物，包括水雲黑醋沙律，海葡萄沙律，手延麵，苦瓜奄列同Oki繽。水雲黑醋沙律好似海草，酸酸地，爽口嘅。海葡萄其實係無味嘅，餘下嘅沙律帶有醋味，幾開胃。手延麵帶點煙韌，而且幾滑，雖然個湯好清，但一啲都唔寡。自己其實唔多鍾意食苦瓜，但佢個苦瓜奄列一啲都唔苦，蛋裡面係流心，仲加左芝士，非常出色，仲要分量十足！到個Oki繽，聽講呢度嘅Oki繽係全港最好食，但我除咗係麵包店食過咖喱繽，就無係其他地方食過，評論唔到。B繽係我的最愛。紅芋做得沖繩特產，當然有翻甘上下。好香嘅紅芋味，加上煙韌嘅日本年糕，麵包炸得香脆，包上面應該仲落左粗海鹽，好滋味！G繽其實同B繽差唔多，一樣好好味。J 繽不太特別，個皮偏厚。整體黎講Oki繽好似甜食較好。就連甜品都
餐廳位於Mikiki，的確有啲唔方便。
相信如果佢開係尖沙咀區，人流一定多好多。
十二點三去到，只有一台客。餐廳感覺幾young，牆壁嘅插圖色彩繽紛，侍應亦都好年輕。menu好簡單，三款便當，另外有六七款單品。我地不約而同咁叫咗桃桃町，但就試三款唔同嘅Oki繽(即係炸包)。
一個便當有五款食物，包括水雲黑醋沙律，海葡萄沙律，手延麵，苦瓜奄列同Oki繽。水雲黑醋沙律好似海草，酸酸地，爽口嘅。海葡萄其實係無味嘅，餘下嘅沙律帶有醋味，幾開胃。手延麵帶點煙韌，而且幾滑，雖然個湯好清，但一啲都唔寡。自己其實唔多鍾意食苦瓜，但佢個苦瓜奄列一啲都唔苦，蛋裡面係流心，仲加左芝士，非常出色，仲要分量十足！到個Oki繽，聽講呢度嘅Oki繽係全港最好食，但我除咗係麵包店食過咖喱繽，就無係其他地方食過，評論唔到。
B繽係我的最愛。紅芋做得沖繩特產，當然有翻甘上下。好香嘅紅芋味，加上煙韌嘅日本年糕，麵包炸得香脆，包上面應該仲落左粗海鹽，好滋味！
G繽其實同B繽差唔多，一樣好好味。
J 繽不太特別，個皮偏厚。整體黎講Oki繽好似甜食較好。
就連甜品都有驚喜！本身以為花生豆腐會好似豆腐花咁，唔知食落去又滑又煙韌，少少甜，非常特別！當初以為便當會唔夠飽，點知食下食下，發現份量都幾足夠，仲要不驚不覺食左六款食物，格外有一份暖暖嘅滿足感。
張貼
