影片
更多
2015-12-01
724 瀏覽
L小姐剛剛一個人去完沖繩，放上面書的相多麼的吸引，那個水族館多麼的吸引，有些風景可以說用take my breathe away來形容，北部的水族館，是我夢寐以求想去的，今日聽收音機講美國村，好像我與這個地方有著不解的緣份。特別係人人都話佢個啲食物好有日本的鄉村風味，呢個係我非常喜歡的一個原因，我好想去食下佢啲紫薯呀，苦瓜呀，刺身呀，還有鹽味雪糕，不過，也許只有旅行才可以真正解去我的思念，由哥哥的電影我識得沖繩以後，就算沒有去我都會留意沖繩，不過每次去都一波幾折，唔係約唔到朋友就係唔啱天氣，三年黎都係咁。時光好快咁飛去三年前到，我剛剛開始寫Openrice的日子。當時，目利之銀次係香港開左一段時間，係銅鑼灣個陣已經食過，個陣時仲係同兩個女孩子時，個次我地都吃得好愉快那個時候因為沖繩而留意呢間店，主打沖繩菜真係係香港唔多，還要價錢好經濟。食到而家兩個都係人妻了，目利之銀次都已經開左分店，尖沙咀的分店之前吃過都係平靚正，今晚和另外的朋友來到食飯，我當然舉腳贊成，我說過下年一定要去到沖繩，今晚就為了那個旅程熱身，順道欣賞下沖繩風情吧。工作關係又遲放工，友人已經開始吃了，來得剛剛好，坐底已經吃
L小姐剛剛一個人去完沖繩，放上面書的相多麼的吸引，那個水族館多麼的吸引，有些風景可以說用take my breathe away來形容，北部的水族館，是我夢寐以求想去的，今日聽收音機講美國村，好像我與這個地方有著不解的緣份。
特別係人人都話佢個啲食物好有日本的鄉村風味，呢個係我非常喜歡的一個原因，我好想去食下佢啲紫薯呀，苦瓜呀，刺身呀，還有鹽味雪糕，不過，也許只有旅行才可以真正解去我的思念，由哥哥的電影我識得沖繩以後，就算沒有去我都會留意沖繩，不過每次去都一波幾折，唔係約唔到朋友就係唔啱天氣，三年黎都係咁。
時光好快咁飛去三年前到，我剛剛開始寫Openrice的日子。
當時，目利之銀次係香港開左一段時間，係銅鑼灣個陣已經食過，個陣時仲係同兩個女孩子時，個次我地都吃得好愉快那個時候因為沖繩而留意呢間店，主打沖繩菜真係係香港唔多，還要價錢好經濟。
食到而家兩個都係人妻了，目利之銀次都已經開左分店，尖沙咀的分店之前吃過都係平靚正，今晚和另外的朋友來到食飯，我當然舉腳贊成，我說過下年一定要去到沖繩，今晚就為了那個旅程熱身，順道欣賞下沖繩風情吧。
工作關係又遲放工，友人已經開始吃了，來得剛剛好，坐底已經吃前菜，和風薄牛舌 ，薄身的牛舌加上蔥花和特製醬汁，牛舌薄薄一塊都有牛香，和醬汁極配得很。Kurobuta Pork Salad，薄切黑豚肉沙律，點可以唔食沙律清清腸胃呢，日本菜，一個decent的沙律是必有項目，這裡的絕對合格有餘。
Supreme Sashimi Platter 呢個精選特上刺身盛拼盤 又係一個吸睛之作， 三百幾蚊可有咁大碟嘅刺身真係好抵，呢碟野絕對有沖繩之氣息，佢有粒貝、甜蝦、剝皮魚、海膽、深海池魚、黑鯥，全部都係好新鮮時令精選同有啲較少見。最喜歡係黑鯥，燒過的魚皮有的是焦香，魚肉淡淡的香味慢慢揮發；粒貝好爽，咬落去就如吃象拔蚌般的感覺，清新又新鮮；深海池魚我未見過一間咁厚切，肥美的魚油同魚肉係好吸引好滿足，剝皮魚較清純，魚味淡但口感特別，甜蝦就是新鮮又大隻，不用說看到都知好。
如果你有留道右手邊底有個小山丘，呢個係Hokkaido Sea Urchin北海道海膽需，另加$280有個海膽山順應番呢排食海膽嘅潮流，淡淡都是濃烈的海膽香味，強勁到震，配合紫菜冇咁易膩，但我還是喜歡打真軍，一口一口吃，感覺更豐腴。
Deluxe Sushi Roll，呢個叫超豪華卷，又係好澎湃之作， 卷上有帶子魚籽呑拿魚蓉海膽，全部都係個卷物上堆沙成塔，$180用咁多貴價刺身做卷物，真係沖繩價，好平，全晚食刺身同呢個超豪華卷都抵番，為左呢兩樣野都好值得黎。
Soft Shell Crab Tempura 軟殻蟹天婦羅都係$118，大隻到你會覺得嚇親，天婦羅炸得乾身又少油，最重要唔會炸到食物冇哂味道，軟殻蟹還是非常juicy和肥美，配上其自家的醬汁又係一個新風味，絕對係討好，而且天婦羅唔會太鹹，呢個係重點，配合鄕村淡淡風味的特色。
朋友想吃魚，目利之銀次特色係有特有嘅魚counter睇下有邊隻新鮮就叫邊條，我們選了鹽燒伊左目，吃刺身食伊左目都知其白身魚的味道不特別濃，但其鹽燒卻令到魚肉非常惹味，把單純的伊左目玩得出神入化，那種鹽燒令我更加想立刻飛奔去日本。
Omelette with Cheese，芝士蛋奄列係我今晚熱食的favorite，蛋醬滑得很，蛋中間配合誘人無比的芝士，兩種食物糾纏不清的關係，纏綿的芝士蛋叫你快樂，也叫你吃得飽。
Omelette with Fried Noodles，筆風一轉，從沖繩吃到有關西風的燒物，炒麵奄列我不能說盡是關西的食物，但呢個炒麵奄列的style絕對深得我心，炒麵唔乾身，蛋一如剛剛芝士蛋奄列的滑，兩種配合下令我想起日本街頭的奄烈。
呢頭還未吃完，朋友知道我地鐘意食呢類菜，於是叫了黑豚關西燒，呢個絕對萬綠叢中一點紅，唯一的關西風，雖然主打沖繩菜，但呢個黑豚關西燒也做得不錯，叫我懷念的不只沖繩，還有大阪，想起那間排個幾鐘的關西燒，我更想去日本。
Simmered Japanese Clam with Sake，吃唔夠海鮮於是便來多個清酒煮日本蛤蜊，蛤蜊份量驚人的多，清酒味唔算好濃，我會喜歡濃一點的清酒煮蜆，不過呢個亦都係合乎番沖繩的風格吧。
甜品時間係自家製柚子忌廉班戟配柚子雪糕，呢個好fresh嘅感覺，喜歡柚子雪糕的清新，忌廉和柚子出奇地夾，喜歡柚子一定會鐘意呢個甜品。
Steamed Rice Cake with Sweet Red-Bean Paste，呢個蒸紅豆年糕原來係呢度首選最強甜品，那些紅豆的甜是日本菜才吃到的，和紅豆沙的正經完全不同style，那個年糕煙煙韌韌，配合紅豆甜甜的match，幾飽都可以吃完。
食左咁多野，飽到無朋友，沖繩未去到，我怕我會再黎吃晚飯了，其實下年沖繩的旅行還在準備中，只不過今晚晚飯絕對加速我對日本的思念，日圓還要咁低，大概日本迷更吸引吧，如果你攞唔到假，你大可以過黎感受下沖繩的風情，試試有特色的日本菜吧。目利きの銀次 Mekiki no Ginji
尖沙咀彌敦道100號The ONE UG層220-221號舖
張貼
