影片
更多
2010-07-17
238 瀏覽
未曾去過沖繩，只大概知道沖繩係日本陽光與海灘既地方，咁到底又同泰國、菲律賓、馬來西亞有咩野分別？原來去試沖繩菜都會比您揾到沖繩既獨特之處，感覺並非係慣常既日本料理，仲加深左對沖繩既認識。已經係第二次試訂銅鑼灣店，結果都係全滿，只能訂到中環蘭桂芳店。入到店內，令我眼前一亮既係酒，無論係玻璃樽酒，定係好似中國人一酲一酲既，紛紛佔據左壽司 bar，牆身，初步可以肯定沖繩有出名既酒。用膳既地方都唔算大，侍應講餐枱己經訂滿曬，只留有壽司 bar 座位比我地。心諗都好，因為壽司 bar 可以方便同厨師溝通。另外，餐廳最前位置設計成酒吧區，唔少外國人晌度飲酒！ 沖繩 Orion 生啤：Orion 係沖繩最人氣既牌子，深受年青人愛戴，更係當地人用黎預防中暑既良方。用預先雪好冰杯裝上，味道就比 Asaki 啤酒更淡口，所以好快就可以完成一杯，對唔 "好" 既女士都相當無問題啦。 久保田 Sake：呢個唔係沖繩酒，但可以睇到既係沖繩特產 - 玻璃，就係我當晚愛不釋手既酒杯。顏整體色澄現海洋氣息，頭一層係海水既閃爍、第二層碧錄、第三層蔚籃。當中保留氣泡同裂紋係沖繩玻璃既風格，個人認為不造作，係粗糙帶出既自然
已經係第二次試訂銅鑼灣店，結果都係全滿，只能訂到中環蘭桂芳店。
入到店內，令我眼前一亮既係酒，無論係玻璃樽酒，定係好似中國人一酲一酲既，紛紛佔據左壽司 bar，牆身，初步可以肯定沖繩有出名既酒。用膳既地方都唔算大，侍應講餐枱己經訂滿曬，只留有壽司 bar 座位比我地。心諗都好，因為壽司 bar 可以方便同厨師溝通。另外，餐廳最前位置設計成酒吧區，唔少外國人晌度飲酒！
沖繩 Orion 生啤：Orion 係沖繩最人氣既牌子，深受年青人愛戴，更係當地人用黎預防中暑既良方。用預先雪好冰杯裝上，味道就比 Asaki 啤酒更淡口，所以好快就可以完成一杯，對唔 "好" 既女士都相當無問題啦。
久保田 Sake：呢個唔係沖繩酒，但可以睇到既係沖繩特產 - 玻璃，就係我當晚愛不釋手既酒杯。顏整體色澄現海洋氣息，頭一層係海水既閃爍、第二層碧錄、第三層蔚籃。當中保留氣泡同裂紋係沖繩玻璃既風格，個人認為不造作，係粗糙帶出既自然美！
串燒牛脷：串燒牛脷係我既至愛，尤其係佐酒。燒得夠香、黑椒同鹹味恰到好處，但可惜燒過火，肉質有d硬，失去牛脷軟綿綿既質感同水份！
煙燻豬手：豬手比預期較為細小，食味較温和，略帶煙燻香味，肉質嫩滑，最鐘意食到豬手裡面富膠質既根部，整體不過不失，但皮脆同香味則遜於德國鹹豬手。
炸日本蠔：一睇個賣相以為一定齋食炸粉，因為日本蠔體積較細。但係師傅處理炸漿了得，一咬落去，口感鬆脆，無死實實，完全感覺唔到漿粉所佔既真實厚度，仲食到蠔鮮味同蠔心既滑溜感！
沖繩苦瓜炒豬肉：久違左既苦瓜甘香味，炒得唔過 "淋"，略帶爽口，再配上嫩滑碎豬肉片同蛋絲，簡直係苦瓜愛好者既天堂美食。沖繩苦瓜抵您咁出名，好想自己種番棵！
串燒黑豚肉：早前去過濟州，好欣賞當地既黑豚肉，原來沖繩黑毛豬仲係日本既黑豚肉 (Kurobuta) 始祖，為當時琉球王既御用膳品。沖繩黑豚肉同樣富彈性及濃香，油多而不膩，含高蛋白質，可稱豬肉既大哥大，正！
沖繩腐乳：跟中國人既腐乳味道唔一樣，無濃烈鹹、甜或辣味，只帶小許酒香，質感綿滑，類似厚芝士。根據師傅教既食法係以一小口一小口慢慢品嚐，用黎送泡盛都好match，幾有趣！鐘意試新意既朋友，不防一試。
沖繩昆布炒豬肉：昆布即海草，亦係沖繩有名既健康食材。老實講食唔出沖繩昆布同其他地方既昆布有咩既分別，不過豬肉片仍然嫩滑，以健康打頭牌喎，當然要食清啦！下次可以試下佢地既海葡萄，係至出名既健康海草類食物。
甜薯豬肉餅：起初以為甜薯係番薯，點知食落先知係芋頭，配以沖繩海鹽，但食唔出有豬肉喎，所以應該改名為炸芋頭蓉餅先啱！
麵豉炒茄子：日本茄子煮得嫩滑，但欠麵豉醬香味，食味則較為平淡。
其中一位待應請我地飲左兩杯沖繩有名既泡盛 (awamori)，酒精含量係30%，對我地有飲過中國白酒黎講，仲可以招架得住。沖繩泡盛係以泰國米加上麴菌釀製而成，反傳統唔用日本米，酒精含量由25-45%不等，當晚就見到一枝含量為70%，嘩....我諗只可以淺嚐。
環境：擺設左唔少既沖繩裝飾及海報，沖繩小玩具，例如夜光珠、假紋身貼、公仔、小沙樽等。中環店較多外國人幫襯，相比銅鑼灣店大部份都係日本客人，又加上設有酒吧區，日本氣氛唔夠銅鑼灣店咁濃烈。但星期五晚蘭桂芳愈夜愈美麗、愈夜愈多 walk in 客。
服務：由於中環區外國客人較多，可以見到有外藉員工服務，不但能講流利英語，而且仲識講日語，再加小小廣東話，果真厲害！可能沖繩係一個陽光與海灘既渡假勝地，服務員比同類日本食肆無咁拘謹，多左一份自然既親切同陽光 (笑容)，可能係沖繩人既特質。
張貼
