飯丸屋 (D2 Place TWO) (已結業)

午餐食三文治就最方便，但有米落肚先覺飽！我喺D2 Place 二期發現咗飯丸屋，佢賣沖繩風握飯糰🍙，原來佢係台灣過江龍，而家飛唔到出去，食住先。佢係用紫菜包米飯再夾住玉子燒同午餐肉做基本。再加上唔同配料，成為八種唔同口味握飯糰。我鐘意食佢地嘅炸雞，所以點咗炸雞飯糰同小食炸雞。另外佢季節限定新品就係明太子干貝酥，加咗明太子醬同炸帶子，有海邊嘅感覺，再加配明太子薯條做小食，鮮脆😋佢仲有日式養生豆漿，加入咗抹茶／胚芽，唔太甜，健康啲！