飯丸屋 (D2 Place TWO) (已結業)

主打沖繩飯糰嘅人氣小食店「飯丸屋」最近進駐荔枝角D2 place!飯丸屋主打沖繩飯糰，一共提供9款口味，全部都配有午餐肉及雞蛋，再自選餡料。我地就揀左明太子干貝酥口味，干貝酥炸到金黃酥脆，口感紮實，再加上粒粒魚卵同埋明太子醬，味道豐富。可樂餅飯糰亦非常惹味，外皮脆卜卜，配搭煎蛋同午餐肉，其實都幾有港式風味。另加$13就可以升級至套餐加配紅茶豆漿、黑糖豆漿、黑芝麻豆漿等健康飲品。飯丸屋地址：荔枝角D2 Place 2期1樓K18號舖