歇腳亭 (屯門市廣場1期) (已結業)

呢個位曾經都係飲品店，但我唔記得係咪歇腳亭，後來變左韓式甜品店，果間提拉米蘇都曾經掀起過好短暫嘅排隊潮，呢個位喺正兩個商場連接位，按道理應該生意都會唔錯嘅，最近結業後，又再次變番一間茶飲店，屯市黎講，唔算多飲品店，有樓上一間賞茶，以往我都喺華都買，不過見有歇腳亭，又唔洗行咁遠，有需要都會喺呢度買飲品價錢唔貴，十零廿蚊，都幾大杯，開左兩個月(?)，最近幾次經過都見到幾好生意，不過呢個位好尷尬，一人多就好係塞住商場通道咁，好麻煩。有雪沙、鮮茶、好蓋、益力多、綠茶、冬瓜茶等，配料例如珍珠、寒天、布丁、仙草凍、椰果、蘆薈、奶蓋等，加4-6蚊。同大部分台式飲品店一樣，冰度、糖度都可以自選，基本上黎歇腳亭啊果啲，都一定要半糖，否則真係甜到飲唔到。沖繩黑糖奶茶點左半糖，大杯裝都係20蚊，幾抵嘅。因為啱啱開，冇其他客人，我等左幾分鐘就到手。奶茶同好多台式飲品點一樣，奶多茶少，茶味弱弱的，奶重，唔會太甜，半糖剛好。黑糖味都幾香甜，第一次飲呢款，都ok。