殿糖級 (已結業)

晚上和朋友吃過飯後，兩個都已經好飽，但總覺得有甜品既晚上先係一個good night 。因為已經太飽，決定兩個人share 一個魔鬼球。魔鬼球係一個球形既朱古力殻，裝著一球雪糕同朱古力mouse 再加上餅乾粒。雪糕有三個味自選，而我地就揀左朱古力味，實行三重朱古力既體驗。魔鬼球一到，黎唔切拍片，店員就急不及待咁淋上朱古力醬，溶化朱古力外殻。平常來講，朱古力殻應該不太好食，但反而今次有驚喜，朱古力殻應該係用上了比較好質素的朱古力來製作，同堆朱古力mouse 味道和質感都比想像中好多了。反而對朱古力雪糕有點失望，雪糕太冰味淡，感覺上不足料，食落去更食到細冰粒，要扣分！不過總體黎講都可以接受的。可能期望太高，有點落差。不過點呢道甜品既人，大概都係想enjoy 一下視覺上的快感。