影片
更多
2022-05-30
1871 瀏覽
平日間中都會兩個人出街食火鍋，今日搵左間私房菜打邊爐，都幾期待！見佢雙拼湯底幾抵今次就試咗個香茜皮蛋拼古法沙嗲鍋開頭諗住簡簡單單，估唔到一嚟到個沙嗲湯個味超濃，拎嚟碌牛肉好正啲汁掛晒上去！牛肉我地點左手切雪花牛小排，本身有手切同呢一款揀，不過平時食太多手切牛今次就揀咗佢。食落都唔錯，幾有牛味，同埋幾新鮮。最緊要碌落個沙嗲湯真係好好味，自製勁濃香嘅沙嗲牛！仲有點左個手工四寶丸，一份有四款丸，最鐘意佢既蝦丸，食落好新鮮彈牙，唔錯！打邊爐前我地仲點左個-香脆午餐肉，因為太肚餓，叫咗一款熟食，點知佢仲跟多個醬，就咁食又得， 碌落個沙嗲湯度又得，超好味！叫得沙嗲湯，緊係要叫個麵，點左個平時少啲食嘅淮山麵，本身佢嚟到見到佢好薄以為好細個麵，點知一錄完發大左，都幾多！啲湯掛晒上去食得勁滿足。最後叫個油麥菜，本身諗住清清地碌落去芫荽湯，但最後因為個沙嗲湯底太正，又落哂去沙嗲湯度，好好味，開心嘅一餐！
見佢雙拼湯底幾抵
今次就試咗個香茜皮蛋拼古法沙嗲鍋
開頭諗住簡簡單單，估唔到一嚟到個沙嗲湯個味超濃，拎嚟碌牛肉好正啲汁掛晒上去！
牛肉我地點左手切雪花牛小排，
本身有手切同呢一款揀，不過平時食太多手切牛今次就揀咗佢。食落都唔錯，幾有牛味，同埋幾新鮮。最緊要碌落個沙嗲湯真係好好味，自製勁濃香嘅沙嗲牛！
仲有點左個手工四寶丸，一份有四款丸，最鐘意佢既蝦丸，食落好新鮮彈牙，唔錯！
打邊爐前我地仲點左個-香脆午餐肉，因為太肚餓，叫咗一款熟食，點知佢仲跟多個醬，就咁食又得， 碌落個沙嗲湯度又得，超好味！
叫得沙嗲湯，緊係要叫個麵，點左個平時少啲食嘅淮山麵，本身佢嚟到見到佢好薄以為好細個麵，點知一錄完發大左，都幾多！啲湯掛晒上去食得勁滿足。
最後叫個油麥菜，本身諗住清清地碌落去芫荽湯，但最後因為個沙嗲湯底太正，又落哂去沙嗲湯度，好好味，開心嘅一餐！
張貼
