榮記茶餐室

營業中

休息中

年幾之前嚟過一次😛今次再訪水準仲keep到喎！今次令我最深刻嘅反而唔係啲野食，係佢哋嘅服務！👍🏻我哋食完沙嗲煲，會主動問要唔要多隻碗食煲仔飯👍🏻如果怕沙嗲濺起整污糟件衫，餐廳有提供即棄圍裙👍🏻員工好有禮貌！唔似其他出咗名嘅茶記咁呼呼喝喝！講返野食，今次嗌左兩樣野！逐樣講吓🤍💕🐄沙爹牛肉公仔麵好中意佢個麵夠硬身！因為我本身都唔中意煮到淋peapea嘅公仔麵的！沙爹就keep住一樣咁濃，好重花生味🥜！仲會咬到粒粒花生咁！好吃指數是🟡🟡🟡🟡🟡🐷咸蛋肉餅煲仔飯公道講佢一定無其他香港出名煲仔飯咁香口！但都有飯焦喎！而且肉餅夠爽口，唔會好溶食到成口脂肪嘅感覺😝💕好吃指數是🟡🟡🟡🟡作為唔太中意食沙爹牛嘅我，今次對味蕾都係好好嘅體驗了😋下次去嘅話要試下轉粉絲！！