牛牛

營業中

休息中

早幾日foodie朋友介紹完牛牛俾我，點知我咁快就要入西貢，雖然西貢都有好多選擇，但我都係決定試試佢！👀🌟沙嗲牛肉麵（$5x)真係好鬼好食🤤湯底好濃好正，牛肉都唔會敷衍你..有咬口唔係霉更唔係橡根咬唔爛果隻，所以十分好！食完一啖想繼續食下一啖，不過我要忍口留番比老公食，就要迫住停一停口喇😅🌟匈牙利面珠登飯 ($65)有紅蘿蔔，醬汁甜甜地，小朋友都幾鐘意食🤗小朋友都要醫肚咖嘛😝如果我自己食，我一定係叫沙嗲牛肉麵，食完就走😆爽！內在環境較迫，可以去平平地輕鬆食個快餐✨再去隔離買杯肥仔水/歎杯咖啡🥰