影片
更多
2010-12-18
27 瀏覽
10月2日, 因為有coupon關係, 今晚就食個沙嗲王先~ 記得沙嗲王已經喺香港十年有多, 經過幾次經濟衰退都仍然迄立不倒, 原因就係佢嘅野食夠經濟大眾化, 味道亦合港人口味~::: 白咖哩豬扒飯 ::: $37由$2x食到而家, 每一次都唔會令到我地失望~ 白咖哩creamy得嚟有少少辣味嘅刺激, 加上杰杰嘅質地, 仲有d洋蔥炸蒜同蔥粒一齊吊吊味~ 撈飯非常好味! 豬扒依舊炸得香口又有香茅味, 咬落唔韌啱啱好~::: 越南豬肉粉卷 (4件) ::: $22又係一樣每次必食! 味道確實一流~ 粉皮, 粉卷內嘅豬肉同冬菇, 蔥粒再加上肉鬆, 配合都無懈可擊! 點埋甜甜酸酸嘅檬汁, 仲好開胃添~ 唯一比以前差嘅係粉皮多咗厚咗, 而豬肉同冬菇料反而少咗…::: 蒜茸牛油雞翼 (2隻) ::: $15望上去好似好大隻嘅雞翼, 不過一咬就發現炸粉佔了大比數, 炸粉上有好香濃嘅蒜茸同牛油味, 不過都幾油膩… 反而雞翼本身唔太入味, 肉地只屬麻麻…::: 印度薄餅 (跟咖哩汁) ::: $16未試過呢樣, 薄餅跟咖哩汁真係好吸引~ 不過好印度野嘅我, 一看就知這不應叫薄餅, 係油鬆餅先啱~ 不過這
::: 白咖哩豬扒飯 ::: $37
由$2x食到而家, 每一次都唔會令到我地失望~ 白咖哩creamy得嚟有少少辣味嘅刺激, 加上杰杰嘅質地, 仲有d洋蔥炸蒜同蔥粒一齊吊吊味~ 撈飯非常好味! 豬扒依舊炸得香口又有香茅味, 咬落唔韌啱啱好~
::: 越南豬肉粉卷 (4件) ::: $22
又係一樣每次必食! 味道確實一流~ 粉皮, 粉卷內嘅豬肉同冬菇, 蔥粒再加上肉鬆, 配合都無懈可擊! 點埋甜甜酸酸嘅檬汁, 仲好開胃添~ 唯一比以前差嘅係粉皮多咗厚咗, 而豬肉同冬菇料反而少咗…
::: 蒜茸牛油雞翼 (2隻) ::: $15
望上去好似好大隻嘅雞翼, 不過一咬就發現炸粉佔了大比數, 炸粉上有好香濃嘅蒜茸同牛油味, 不過都幾油膩… 反而雞翼本身唔太入味, 肉地只屬麻麻…
::: 印度薄餅 (跟咖哩汁) ::: $16
未試過呢樣, 薄餅跟咖哩汁真係好吸引~ 不過好印度野嘅我, 一看就知這不應叫薄餅, 係油鬆餅先啱~ 不過這油鬆餅太過乾, 感覺似淋咗嘅餅乾… 咖哩汁算係惹味, 不過撈飯會更好些~
::: 青檸梳打 ::: $9
好怕梳打只係加梳打水, 會好淡… 不過呢個青檸梳打甜甜地酸酸地, 幾開胃~
雖然沙嗲王都追求創新, 每次來都有幾種新推出食物, 不過好似都係舊有食物比較有水準~ 都係嗰句, 港人口味好獨特, 要合口味才能在香港生存~
張貼
