王孖記果子 (已結業)

王孖記果子，久仰久仰，估唔到第一次幫襯唔係買芒果糯米糍，而係食黃薑飯。黃薑飯有蜜燒豬頸肉，燒雞肉串，燒豬肉串，燒雞髀四種口味，本來想試豬頸肉，點知十二點開賣，一點鬆啲就只剩番後兩者，唔鍾意喺屋企以外嘅地方食雞髀，怕食到一手一口都係油，最後唯有揀豬肉串。黃薑飯果然名不虛傳，色香味俱全，配埋面頭嘅炸蒜片，齋食飯都好好味；沙嗲醬微辣，椰香同花生香都好吸引，唔錯；反而個豬肉串就有少少失望，燒得比較燶，肉質亦有啲硬。下次要早啲去試下個豬頸肉。