貳號冰室 (已結業)

好少去柴灣，今日假期早上有事去柴灣附近，一出地鐵就隨便入咗呢間餐廳嗌個早餐。揀咗沙嘜牛麵，多士炒蛋。意想不到個沙嘜牛非常出色！原本無咩期待，但估唔倒係我近排食過最香濃的沙嘜牛。沙嘜汁勁濃夠厚沙嘜味重，而且竟然幾辣！可能我自己鍾意食辣所以好喜歡。唔食得辣的你就記得唔好揀沙嘜牛。多士都幾好，夠厚，ok鬆軟。炒蛋幾滑，整體早餐豐富性價比高。而且上餐效率快，餐廳坐位正常。第二次再嚟試左個午餐酸辣肥牛米粉，還可以，湯底幾開胃夠酸但有點普通，但肥牛太肥，還是覺得早餐沙嘜牛比較好食。