Cafe Whale (已結業)

香港仔交通方便左，吸引左好多人落去行。係附近行行下見到呢間Cafe Whale，開頭仲以為飲咖啡，睇完餐牌先知係食漢堡包。間餐廳都幾細，座位唔多。見到有個魚場直送嘅漢堡包好吸引，就食下先。叫左個黑松露醬沙巴龍躉漢堡($88)，炸過嘅沙巴龍躉魚肉有魚味同爽實，係暫時食過最高質嘅炸魚包！！！另外，叫左余均益旦黃醬牛脷漢堡($75)，牛脷有啲偏咸，整體成個包都唔錯。除左漢堡包，仲有其他小食叫，另外都點多份薯條，都炸得幾香脆。