萬利來快餐

營業中

休息中

公司平時老細請食下午茶我哋都鍾意叫萬利來，今日去貨倉 stock take, 中場休息就去堂食一個下午茶。啲阿姐嘅服務好一般就係人都知嫁啦⋯⋯好彩杯熱奶茶都還可以，係好似唔夠奶囉我同事就好鬼健康叫份蛋牛治，原來係最穩陣。我就瀨晒嘢啦！叫咗個＄35嘅下午茶，主角係沙律，我再加多＄5轉炸雞比真係好鬼肥啊！但係炸雞髀唔知點解有陣酥味，但因為炸雞皮實在太香，所以唔係好覺眼。但係個沙律就超級唔得，首先淨係食到薯仔同埋紅蘿蔔，最差就係啲沙律醬，完全唔覺得係新鮮即日整嘅，感覺係已經雪過一夜可能兩夜添，未至於去到酸，但新唔新鮮大家條舌頭都懂得分的