扒王之王 (已結業)

上星期帶小朋友去拎回鄉證，拎完都已經係3點幾，小朋友大叫肚餓，心知佢地偏好西餐，又因為小朋友多要坐得好少少，就決定入扒王之王食個下午茶。我叫左個煙雞肉雜菜沙律，估唔到沙律菜又幾新鮮，煙雞肉又唔會鞋身，仲夠味道，連我唔中意食肉嘅女都食。西多士：剛好炸起，好味道，但中間都係冇花生醬。記得十年前左右，扒王之王周街都係，好似7-11咁多，味道又好，但隨住大家對牛扒要求高左，慢慢地扒王之王就開始沒落，分店一間一間地減少。但平心而論有d食物係不錯嘅。