牛扒先生 (東港城) (已結業)

今次係第二次嚟食半自助午巿喇，上次好晏先嚟到食咗45分鐘就夠鐘喇。今次十二點半就嚟到，食到大約兩點半離開，完全唔趕慢慢食。主菜有六款選擇，另有輕食午餐亦一樣可以享用沙律及甜品。少食沙律嘅我都樣樣試晒，沙律質素幾好，價錢仲要咁抵，真係食傾計飯嘅好地方。沙律選擇好多。外賣套餐。坐咗一陣，點咗餐，拎嘢食。雜菌忌廉湯，好多菌碎，忌廉應該唔係咁多，唔會咁飽肚，味道都幾好。各款沙律，木瓜好甜，菌亦算乾身，菜亦新鮮，薯仔除咗有少少薯蓉亦保留到入面少少咬口，好味。帆立貝蟹肉松露意大利飯，無咩松露味，啲飯再淋啲會更合我意，整體普普通通。慢烤英國特嫩豬柳配三色胡椒汁，肉質鬆軟，完全唔鞋，肉味都算重，呢個主菜最好味。香草燒雞配蒜蓉汁，好鞋嘅雞，而且好乾。甜品都好多款，味道幾好㗎。