金裝燉奶佬餐廳 (華都商場) (已結業)

買左0850睇掃毒🥰0750想去飲茶一間裝修一間未開🙄最後走左入呢間燉奶佬唸住快快手食個早餐去睇戲🤷‍♀️咁早當然唔使等，座位都闊落西式早餐應該黎黎去去都係咁上下款🤭如果你話一個食碗粉都夠既咁加錢叫個粉，一個餐2人食就非常抵😂糖水唔知朝早有無呢😂🙈我就食呢個魚柳餐我叫沙律走醬個侍應應左我最後黎到係有醬，但無俾魚柳既沙律醬我原來以為我唔要沙律醬🙈我心唸：走沙律醬同沙律走醬咁難理解咩🙄沙律一早加左醬無得走同我講聲我或者食其他餐，但似乎佢係唔明我講咩😂講返個早餐，沙律唔新鮮，魚柳size偏細，餐包熱既亦都軟熟，炒蛋普通，唔夠香滑就係因為掛住個沙律醬問題我唔記得影另外一款早餐😗