影片
更多
2023-07-28
253 瀏覽
身為馬友，喺馬鞍山呢個美食沙漠，想搵一間串燒店都好難🥲無意中發現咗一個商場有間串燒店，同媽媽一齊去咗試～120/10串，唔理係咩肉，全部價錢統一👍🏻要咗唔辣，事關之後可以自己落調味料！牛類同豬類都每樣各一，亦都叫咗一串雞肉同羊肉，個人來講最推薦分別係 ：豬頸肉 - 有兩舊，唔係厚切，個爽口彈牙羊肉 - 唔臊，好冧雞肉 - 外皮微脆，內則柔嫩多汁雞髀菇 - 有兩舊，其中一舊鬆咗出嚟，所以張相見唔到，夠味，而且咬落爆汁，唔會燒到乾晒香草燒羊架 $38Keep住juciy，好容易咬開燒干魷魚 $38一塊塊乾身嗰種，少少硬，感覺有少少鹹魚嘅鹹香味燒原條茄子 $38好足料，連個頭都俾埋我哋😂，用咗比較大嘅蒜粒，食晒茄子啲蒜頭都未食晒，可以自己再加多少少孜然粉更加好味呢間舖頭開到凌晨兩點，馬鞍山貓頭鷹的福音，不過環境就熱咗啲，位置於商場外面，但都有瓦遮頭，啱晒秋涼嘅天氣同朋友坐喺度邊吹水邊食！
120/10串，唔理係咩肉，全部價錢統一👍🏻要咗唔辣，事關之後可以自己落調味料！牛類同豬類都每樣各一，亦都叫咗一串雞肉同羊肉，個人來講最推薦分別係 ：
豬頸肉 - 有兩舊，唔係厚切，個爽口彈牙
羊肉 - 唔臊，好冧
雞肉 - 外皮微脆，內則柔嫩多汁
雞髀菇 - 有兩舊，其中一舊鬆咗出嚟，所以張相見唔到，夠味，而且咬落爆汁，唔會燒到乾晒
香草燒羊架 $38
Keep住juciy，好容易咬開
燒干魷魚 $38
一塊塊乾身嗰種，少少硬，感覺有少少鹹魚嘅鹹香味
燒原條茄子 $38
好足料，連個頭都俾埋我哋😂，用咗比較大嘅蒜粒，食晒茄子啲蒜頭都未食晒，可以自己再加多少少孜然粉更加好味
呢間舖頭開到凌晨兩點，馬鞍山貓頭鷹的福音，不過環境就熱咗啲，位置於商場外面，但都有瓦遮頭，啱晒秋涼嘅天氣同朋友坐喺度邊吹水邊食！
張貼
